Пирĕн редакци хăни паян – Геннадий Максимов çыравçă, журналист, Чăваш Енĕн тава тивĕçлĕ культура ĕçченĕ. Унăн хайлавĕсем республикăра тухса тăракан хаçат-журналта пичетленнĕ. Паллăрах кĕнекисем: «Сталин грамоти», «Çĕрĕллĕ хура кушак», «Вăхăта парăнман юрату», «Танец в ночи», «Загубленный рай».

– Мĕн вăл сирĕншĕн литература?

– Хамăрăн тăван чĕлхепе çырнинчен хакли нимĕн те çук.

 – Мĕн хавхалантарать сире çырма?

– Тăван чĕлхе.

 – Юратнă поэт, прозаик.

– Поэтсем – Николай Теветкел, Александр Пушкин. Прозакисем – Лаврентий Таллеров, Эрнест Хемингуэй. Художник – Анатолий Миттов.

 – Юратнă кĕнеке.

– Лаврентий Таллеровăн «Шеремет» романĕ.

 – Май пулнă тăк мĕнле çыравçăпа тĕл пулса калаçнă пулăттăр тата мĕншĕн шăпах унпа?

– Василий Шукшинпа. Унăн «Брат мой...» кĕнеки чаплă.

 – Пурнăç девизĕ.

– Малаллах пурăнмалла. Мĕн планланине пурнăçлама тăрăшмалла.

7– Хайлава çырса пĕтерсенех унпа чи малтанах кама паллаштаратăр? Камăн сĕнĕвĕ сирĕншĕн пысăк пĕлтерĕшлĕ?

– Мăшăрăма – Татьяна Лаврентьевнăна.

Ольга ИВАНОВА хатĕрленĕ.