Çулленех уй-хир ĕçĕсене вĕçлесен Муркаш тăрăхĕнчи ял çыннисем Тыр- пул уявне пуçтарăнаççĕ. Кăçал уяв октябрĕн 23-мĕшĕнче иртет.

Уява 11 сехетре Муркашри тĕп лапамра округ пуçлăхĕ Александр Иванов уçать. Вăл уй-хир ĕçĕсене пĕтĕмлетет.

Тĕп вырăнта – çуркуннерен пуçласа кĕр­куннеччен вăй хунă çĕр ĕçченĕсене чыслас­си. Ĕçре палăрнисене сцена çине кăларса Хисеп хучĕсем, хаклă парнесем параççĕ.

Уявра «Кĕр парнисем» выставкăпа пал­лашма пулать.

Ача-пăча пултарулăх выставки те кура­кансене йыхравлĕ.

Уявра кунĕпех юрă-кĕвĕ янăрĕ.

Территори пайĕсем те кĕр пуянлăхĕпе паллашма чĕнĕç.

Суту-илÿ предприятийĕсем, хуçалăхсем, фермерсем тĕрлĕ апат-çимĕç сĕнĕç.

Мини-футбол турнирĕ хастаррисене палăртĕ.

Пурне те уява чĕнетпĕр.

Йĕркелÿ комитечĕ.