Чӑваш Республикин Пуҫлӑхӗ Олег Николаев инвестпрограммӑпа ҫыхӑннӑ контрактсен ыйтӑвӗсене тишкерме хушнӑ.

Планеркӑра республикӑри адреслӑ инвестици программине 9 уйӑхра пурнӑҫланине малтанласа пӗтӗмлетнӗ. 2026-2028 ҫулсенче социаллӑ сферӑн, ЖКХ, ҫул-йӗр отраслӗн тата экологин 200 объектне тума тата реконструкцилеме 32 миллиард тенкӗ хывнӑ. Кӑҫал программӑна 13,5 миллиард тенкӗ янӑ, ҫав шутра федераци бюджетӗнчен – 2,9 миллиард. Октябрӗн 1-мӗшӗ тӗлне 5,5 миллиард тенкӗ тӑкакланӑ. Ҫулталӑк пуҫланнӑранпа «Ҫӗнӗ хулара» 340 вырӑнлӑ ача сачӗ, Муркаш тата Канаш райбольницисен поликлиника ҫурчӗсене тата ытти объект хута янӑ. Контрактаци вӑраха кайни пӑшӑрхантарать, палӑртнӑ Олег Николаев. Укҫа-тенке февраль-март уйӑхӗсенче ҫитереҫҫӗ, уйрӑм объектсемпе сентябрь уйӑхӗнче кӑна контрактсем тӑваҫҫӗ. Олег Николаев Строительство министерствине республика Пуҫлӑхӗн Администрацийӗпе, функционаллӑ заказчиксемпе тата тарифсен Патшалӑх службипе пӗрле лару-тӑрӑва тишкерме, ӗҫе йӗркелессине улӑштарас тата должноҫри ҫынсен яваплӑхне ӳстерес енӗпе Кабинета сӗнӳсем тӑратма хушнӑ.