Çатракасси ялĕнче пурăнакан 86 çулхи ватă Юрий Григорьевич Логинов Раççей Конституцине кĕртекен улшăнусемшĕн сасăларĕ. Çулĕсене шута илсе ăна килтех сасăлама майсем туса пачĕç.

Юрий Григорьевич Логинов ĕмĕрĕпех тăван хуçалăхра вăй хунă. Хушнă ĕçе яланах тÿрĕ кăмăлпа пурнăçланă.

-Эпĕ пĕр суйлавпа сасăлавран та юлман, - тет ветеран.

Сăмах май, 1225 номерлĕ Çатракасси сасăлав участокĕнче 459 çын регистрациленĕ. Паянхи куна кăнтăрлана 121 çын сасăлама та ĕлкĕрнĕ. Участок членĕсем çынсем активлă сасăланине палăртрĕç.

В. Шапошников.