Хаклă туссем!

Ака уйăхěн 10-мěшěнче, 18.30 сехетре, еçпĕл Мишши ячĕллĕ Чăваш патшалăх çамрăксен театрěнче – премьера! Сире «унат сараççĕ ĕмĕтсем» (Мечты расправляют крылья) ятлă камит пырса курма йыхравлатпăр.

Телее кам ăçта е мěнре шырамасть-тĕр: пĕри – аякра, тепри – çывăхра, кам – укçара, кам – юратура… «Çунат сараççĕ ĕмĕтсем» камитри тĕп геройсем ĕçпе пиçĕхсе çулланнă пулсан та тепĕр çамрăкран та ирттереççĕ. Мал ĕмĕчěсемпе, ěненěвěпе, шанчăкĕпе, ăрусем хушшинчи çыхăнусене таптаманнипе, чунри туйăмěсемпе. «Ăçта çуралнă – унтах кирлĕ пулнă», - теççě халăхра. Телей вăрттăнлăхě çакăнта тěпленмен-ши?

улсерен пичетленекен статистика кăтартăвěсем чěрене çурса яраççě: çěр-çěр ял арканать! ак хăрушă «çил-тăвăла» мěнле тытса чармалла? Камитри сăнарсем хуравне пĕлеççĕ кăна мар, аллă-аллăн тытăнса, пĕтěм вăй хăвачĕпе çак юхăма хирěç тăраççĕ.

Савăнăçě нумай кĕттерместь. Часах «пěрремĕш чěкеçсем» вĕçсе килеççě: чěвěл-чĕвĕл чěлхипе юрату юрри юрлаççĕ. Ăçта юрату – унта пуласлăх! Анчах «суккăрисем» те, хытă чунлисем те çумрах. Май килнĕ чух вěсем хăйсен «хăватне» кăтартма васкаççĕ. Участковăй Ванькка геройсене арестлеме, парăнтарма кашнин валли «статья» шыраса тупнă. Кěç-вěç тĕрмене хупса лартма хатěр. Анчах чăнлăх çиеле тухасса пирĕнтен кашниех кěтет-çке. Тĕрлĕ пăтăрмахран çăлăнса тухма «кайнисем» те пулăшаççě – вĕсене манмасан, вěсемпе канашлама пĕлсен, вěсене хисеплесе сăвап тусан.

Телей – хамăр алăрах! Такама шанса пурăнмалла маррине питĕ лайăх ăнланаççě пьесăри çутă сăнарсем. Ун пеккисене вара ÿлти Турă та пулăшса пырать, утçанталăк та, хăй ытамěнче сăпкари пек лăпкаса, вилĕмсĕрлĕх парнелет.

Спектакль режиссерě – Чăваш Республикин искусствăсен тава тивĕçлĕ деятелĕ Вячеслав Оринов, художникě – Лариса Комиссарова, музыка йĕркелекенĕ – Андрей Молодцыгин.