Шӑпах Халӑх пӗрлӗхӗн кунӗнче республикӑран 102-мӗш гуманитари пулӑшӑвне малти линие ӑсатнӑ. Ку вӑл – пирӗн салтаксене пулӑшасси ҫинчен каланӑ сӑмахсем пирӗн нихҫан та ӗҫрен уйрӑлса тӑманнине кӑтартакан чи лайӑх кӑтарту. Кун пирки Чӑваш Республикин Пуҫлӑхӗ Олег Николаев социаллӑ сетьсенче пӗлтернӗ.

Икӗ фура Луганска тата Донбаса – ҫар госпитальне тата мотострелоксен полкне – кайнӑ. Кашни курупка, кашни кубла метр хӑма хыҫӗнче – пирӗн республикӑра пурӑнакансен тӑрӑшӑвӗ. Пӗрремӗш фурӑна пирӗн «Пĕрле» фондӑн, Чӑваш Республикинчи Хӗрарӑмсен союзӗн тата «Пӗрлӗхлӗ Раҫҫейри Хӗрарӑмсен юхӑмӗн» пӗрлехи вӑйӗпе пухнӑ. Чи кирлӗ япаласене пурне те ӑсатнӑ: 200 матрас, гигиена хатӗрӗсем (5 тонна), 20 кубла метр йывӑҫ, маскировка сеткисем, апат-ҫимӗҫ. Иккӗмӗш фура – пирӗн пӗрлештернӗ «74 штурм бригади» волонтер ушкӑнӗн тата пуҫаруллӑ ҫынсен ӗҫӗ. Салтаксене валли УАЗик, хӑма, маскировка сеткисем, пончосемпе ятарлӑ утиялсем янӑ. Ку фурӑра апат-ҫимӗҫ те пур. Ҫак пулӑшӑва хӑйӗн пайне хывнӑ кашни ҫынна питӗ пысӑк тав сӑмахӗ калатӑп. Шӑпах ҫапла, пурте пӗрле эпир хамӑрӑн пӗрлехи Ҫӗнтерӗве ҫывхартатпӑр. Малти линири арҫынсен пӗлмелле: килте вӗсене кӗтеҫҫӗ, вӗсене кашни кун асра тытаҫҫӗ, пулӑшаҫҫӗ. Малалла ӗҫлетпӗр.