2025 ҫулта республикӑра промышленноҫ производствин индексӗ 120 процента ҫитнӗ. Ку ПФОра пӗрремӗш вырӑн шутланать. Лидерлӑх кӑҫал та сыхланса юлать: январь – июль уйӑхӗсенче индекс 109,1 процентпа танлашнӑ.

Республикӑри предприятисем хӑйсем туса кӑларнӑ продукцие 456 миллиард тенкӗлӗх тиесе янӑ – пӗлтӗрхинчен 15 процента яхӑн ытларах. Агропромышленноҫ комплексӗ те шанчӑклӑ динамика кӑтартать. Ял хуҫалӑх аталанӑвӗн хӑвӑртлӑхӗпе республика ПФОра иккӗмӗш вырӑн йышӑнать. Ҫичӗ уйӑхра аш-какай туса илесси 11,5 процент ӳснӗ. Тӗп тӗллев халӗ, Чӑваш Республикин Пуҫлӑхӗ Олег Николаев палӑртнӑ тӑрӑх, динамикӑна сыхласа хӑварасси тата республика экономикин малашнехи ҫирӗп ӳсӗмӗ валли майсем туса парасси.