«Кадрсем» нацпроект Чӑваш Енре пурӑнакансене ҫӗнӗ професси тӳлевсӗр илме пулӑшать.

Республикӑн Ӗҫлев министерстви пӗлтернӗ тӑрӑх, ҫулталӑк пуҫланнӑранпа регионта пурӑнакан 479 ҫын тӳлевсӗр майпа ҫӗнӗ профессие вӗренет. Вӗсенчен 112-шӗ вӗренсе пӗтернӗ ӗнтӗ, ҫӗнӗ специальноҫсем илнӗ. Республикӑра пурӑнакансем суйлакан профессисем – ЧПУ станокӗсен операторӗсем, радиоэлектронлӑ аппаратура монтажникӗсем тата автоматла тата ҫурма автоматла линисен специалисчӗсем. Раҫҫейӗпе 213 профессие 4,1 пин ытла вӗренӳ программипе вӗрентеҫҫӗ. Вӗсенчен 27-шне ятарлӑ ҫар операцине хутшӑнакансем валли резерва хунӑ. Вӗренме кайма «Раҫҫей ӗҫӗ» порталта заявка пама пулать.