Кӑҫалхи 6 уйӑх хыҫа юлчӗ. Муркаш округӗ вӗсене мӗнле кӑтартусемпе вӗҫлерӗ? Ҫак ыйтӑва пӑхса тухнинчен пуҫланчӗ округ администрацийӗн яваплӑ ӗҫченӗсемпе тунтикун ирттерекен планерка.

Ӑна округ пуҫлӑхӗ Александр Иванов ирттерчӗ. Экономика тата инвестици ӗҫ-хӗлӗн пайӗн тӗп специалист-эксперчӗ Галина Лукина каланӑ тӑрӑх, кӑҫалхи январь – июнь уйӑхӗсенче хамӑр туса кӑларнӑ таварсене 4119 миллион тенкӗлӗх тиесе ӑсатнӑ. Ку кӑтарту 2025 ҫулхи ҫак тапхӑртинчен 13,3 процент пысӑкрах. Ял хуҫалӑх предприятийӗсем ял хуҫалӑх продукцине ҫак тапхӑрта 994 миллион тенкӗлӗх ытла туса илнӗ. Халӑха тӳлевлӗ пулӑшу 96 миллион тенкӗлӗх панӑ. Ваккӑн сутакан тавар ҫаврӑнӑшӗ ҫак тапхӑрта 686,5 миллион тенкӗпе танлашнӑ.