Хальлӗхе республикӑра 300 яхӑн «Ниме – Халӑх бюджечӗ» проекта пурнӑҫа кӗртнӗ.

Чӑваш Республикин Пуҫлӑхӗ Олег Николаев палӑртнӑ тӑрӑх, республика проекчӗ тулли вӑйпа ӗҫлет. Ял тӑрӑхӗсенче пурнӑҫланакан 1553 пуҫаруран 280 ытла объектра ӗҫсем вӗҫленнӗ. «Ҫакӑн пек кашни цифра хыҫӗнче – чӑн-чӑн улшӑнусем: хӑрушлӑхсӑр ҫулсем, хӑтлӑ общество лаптӑкӗсем, ҫӗнетнӗ социаллӑ объектсем», – палӑртрӗ Олег Николаев. Ҫак сӑмахсене чи лайӑх ҫирӗплетекенни – объектсенчи ӗҫсем тата ял ҫыннисем тав туни. Ҫаксене пурне те вӗсен пуҫарӑвӗпе йӗркелеҫҫӗ.