Аслӑ экономика канашӗн ларӑвӗнче «Респ ублика Пуҫлӑхӗн тӗрӗслевӗнче» проект ҫирӗплетнӗ. Кун пирки Чӑваш Республикин Пуҫлӑхӗ Олег Николаев хӑ­йӗн телеграм­каналӗнче пӗлтернӗ. Вӑл общественность членӗсене социаллӑ пӗлтерӗшлӗ объектсем тӑвас тата юсаса ҫӗнетес ӗҫе кӑна мар, пур­нӑҫӑн тӗрлӗ сферинче пулса иртекен мӗнпур процеса та тӗрӗслеме явӑҫтарӗ. Ку вӑл – сывлӑх сыхлавӗ, вӗренӳ, социаллӑ пулӑшу ӗҫӗсем тата ытти кирлӗ ҫул­йӗр. Вӗсем пирӗн ҫынсен пурнӑҫӗпе ырлӑхне тӳрремӗнех пырса тивеҫҫӗ. Ку сферӑсем нумай ҫынна пырса тивеҫҫӗ. Ҫавӑнпа вӗсене тата ытларах тӗрӗслесе тӑма хушаҫҫӗ.