Муркаш тата Элĕк округĕсенчи çамрăк çынсем, шкултан тата ытти вĕренÿ заведенийĕнчен вĕренсе тухнисем. 2025 çулхи октябрĕн 20-мĕшĕнчен пуçласа декабрĕн 25-мĕшĕччен пирĕн çĕршывра, вăл шутра Чăваш Республикинче те, Раççей Федерацийĕн Оборона министерстви «Есть такая профессия - Родину защищать» масштаблă акци ирттерет.

Ку проекта çамрăк çынсене Раççей Çар вăйĕсенче ăнăçлă тата тивĕçлĕ карьера тума май пуррине ăнлантарас тесе пурнăçлаççĕ. Хальхи çар - çĕнĕ йышши технологи, шанчăклă команда, хисеп тата шайлашулăх.

Çар пĕлĕвне илни вăл алла диплом тытни кăна мар, вăл - пурнăç путевки. Эсир пахалăхлă пĕлÿ илме пултаратăр, патшалăхăн тулли тивĕçтерĕвне, стипенди илетĕр. Вĕренсе тухнă хыççăн вара сире валли гарантиллĕ ĕç вырăнĕ тата социаллă çăмăллăхсем пулаççĕ. Эсир пысăк ĕçĕн пайĕ - пирĕн çĕршывăн интересĕсене хÿтĕлекен пай - пулатăр.

Эпир сире çар ĕçĕн вĕренÿ заведенийĕсене тата тĕрлĕ специальноç суйласа илме, ку енĕпе кирлĕ документсене хатĕрлеме, суйлавăн пур тапхăрĕ витĕр тухма пулăшатпăр. Çар вĕренÿ заведенийĕсен тулли переченĕпе vuz.mil.ru/edumap официаллă порталта паллашма пулать.

Сирĕн хăюлăх тата йышăну - Раççейĕн хăрушсăрлăхĕпе хăватлăхĕн пирĕн пĕрлехи тÿпи.

Ку тĕлĕшри кирек епле ыйтупа та Муркаш тата Элĕк районĕсен çар комиссариатне 8 (83541) 6-23-50 «хĕрÿ телефон» номерĕпе шăнкăравласа пĕлме пултаратăр.

Муркаш тата Элĕк районĕсен çар комиссариачĕ.