Сăн ÿкерчĕкре эсир хамăр округри паллă механизатора, пурнăçне çĕр ĕçне халалланă уй-хир ĕçченне Радонеж Кузнецова куратăр. Çывăхарах паллашсан, ăна чăн-чăн çĕр хуçи тесе çирĕплетни те тĕрĕс пулать. Суворов яч. хис. ял хуçалăх производство кооперативĕн ĕçченĕсем те, Муркаш муниципалитет округĕн ертÿçисем те, республикăран килекен хăнасем те ăна хисеплесе Радонеж Виссарионович тесе чĕнеççĕ. Радонеж Виссарионович кăçал 37-мĕш вырмана тухать. Ветеран механизатор «хир карапĕ» юсавлине, ĕçлес кăмăл пысăккине кура кăçал та ытти çулхинчен кая юлмасăр ĕçлеме шантарать.