Ҫак уяв иртнине, хальхине тата пуласлӑха ҫыхӑнтарать. Эпир ӑна чатӑмсӑр кӗтетпӗр, асамлӑ самант ҫывхарнӑ чухне пӑлханатпӑр та, савӑнатпӑр та. Хыҫа юлакан ҫулталӑка тепре тишкеретпӗр, малаллахи тӗлле-весене палӑртатпӑр.

Ҫӗнӗ ҫула кӗнӗ чух пур ҫын та ыррине, лайӑххине шанать. Ӗмӗтӗрсем пурнӑҫланччӑр, кашни ҫӗнӗ утӑм савӑнӑҫпа шанӑҫ кӳтӗр. Чи хакли вара – килес ҫул та пӗрлӗхе, тус-тӑванлӑха упрасчӗ пирӗн. Вара малашне те ҫирӗп халӑх пулӑпӑр, чӑрмавсене ҫӗнтерсе пырӑпӑр, тӑван республикӑна, ҫӗршывӑмӑра куллен аталантарса тата тӗреклӗрех тӑвӑпӑр.

Ҫӗнӗ 2024 ҫул сирӗн кил-ҫурта тӑнӑҫлӑх илсе килтӗр, ӗмӗт-шухӑшӑра тӳрре кӑлартӑр, кун-ҫулӑра хаваслӑ пулӑмсемпе илемлеттӗр.

Пурне те ҫирӗп сывлӑх, ҫитӗнӳсем, телей сунатӑп!

Чӑваш Республикин Патшалӑх Канашӗн Председателӗ Л.И. Черкесов.