Сумлă уявпа аннесене Муркаш муниципалитет округĕн пуçлăхĕ Алексей Матросовпа депутатсен Муркаш муниципалитет округ Пухăвĕн председателĕ Александр Иванов саламларĕç.

Округ администрацийĕн Тав çырăвне илме уяв сцени çине тăван тăрăхпа Тăван çĕршыв аталанăвне тÿпе хывнă аннесем тухрĕç. Вĕсем пархатарлă ĕçпе палăрса тăраççĕ, ывăл-хĕрĕсене тĕрĕс воспитани парса ÿстернĕ. Паянхи вăхăтра çĕршыва хÿтĕлесси, фронта пулăшасси, çĕнтерĕве çывхартасси пĕлтерĕшлĕ пулса тăрать.

Аннесене саламласа Культура çуртĕнче чаплă концерт пулчĕ. Кашни юрри-кĕвви чун-чĕрене пăлхантарчĕ. Ачасен саламĕ вара питре йăл кулă вылянтарчĕ.
Уявпа саламлакансем татах пулчĕç. Фойере ал ĕçĕсен куравне йĕркеленĕ. Уяв аннесен кăмăлне кайрĕ.