Сире хăвăрăн професси уявĕпе чун-чĕререн саламлатпăр.

Эсир тăван халăх культурине, унăн ырă йăли-йĕркине сыхласа хăварса, малалла аталантарас тесе тăрăшатăр. Округра иртекен кашни мероприятиех хутшăнатăр эсир. Художество пултарулăх ушкăнĕсем хăйсен пултарулăхĕпе халăха савăнтараççĕ. Эсир ял çыннисем пушă вăхăта усăллă тата интереслĕ ирттерччĕр тесе чунтан тăрăшатăр. Тавах сире тăрăшуллă ĕçшĕн, тĕрлĕ енлĕ пултарулăхшăн.

2023 çула Чăваш Республикинче телейлĕ ачалăха халалланă. Çитĕнекен ăрăва хамăрăн çĕршывăн мухтавлă историйĕпе пуян культурине чун-чĕрепе туйма вĕрентессипе умра сахал мар ĕç сирĕн.

Пурне те сире çирĕп сывлăх, вăрăм кунçул, телей, ĕçре ăнăçу сунатпăр.

Муркаш муниципаллă округ пуçлăхĕ Алексей Матросов.
Депутатсен Муркаш муниципаллă округ Пухăвĕн председателĕ Александр Иванов.